news

દીકરીને સળગાવી દેનાર પિતા-પુરુષ!?
Source: Shefali Pandya 'Ami' | L


આપણે એકવીસમી સદીમાં જીવી રહ્યાં છીએ. દીકરા-દીકરીને સમાન ગણતા હોવાની વાતો કરીએ છીએ. અરે! એટલે સુધી કે દીકરીને વહાલનો દરિયો ગણવામાં આવે છે. ત્યારે આવા પ્રકારની શંકા અને તેના લીધે દીકરીનો જીવ લેવા સુધીની હદ સુધી પહોંચી જવાની પુરુષની માનસિકતાને શું કહેશો? આજે દીકરીને એટલો પણ અધિકાર નથી કે પોતાના મિત્ર સાથે ફોન પર વાત કરે? જો વાત કરી તો એનો અર્થ એવો થયો કે એ ખરાબ થઇ ગઇ! કેમ પુરુષો આવું વિચારતાં હોય છે?
થોડા દિવસ પહેલાં છાપાંમાં સમાચાર વાંચ્યાં કે દીકરીના મોબાઇલ પર કોઇ છોકરાનો ફોન આવતાં પિતાએ એને સળગાવી દીધી. દીકરીને બચાવવા જતાં માતા પણ દાઝી, પણ દીકરીએ તો જીવ ગુમાવ્યો? કોમળ ફૂલ જેવી દીકરીને કેરોસીન છાંટીને ક્રૂરતાથી સળગાવી દેનાર એ પિતા માટે કયો શબ્દ વાપરવો તે સમજાતું નથી.
અત્યાર સુધી કહેવાતું હતું કે શંકાશીલ સ્વભાવ સ્ત્રીઓનો હોય છે, પણ આવા કિસ્સામાં કે કોઇ છોકરાએ ફોન કર્યો અને દીકરીના ચારિત્ર્ય પર શંકા ઉત્પન્ન થવાથી એને સળગાવી દેનારા પિતા- પુરુષને કેવા સ્વભાવનો ગણી શકાય?
આપણે એકવીસમી સદીમાં જીવી રહ્યાં છીએ. દીકરા-દીકરીને સમાન ગણતા હોવાની વાતો કરીએ છીએ. અરે! એટલે સુધી કે દીકરીને વહાલનો દરિયો ગણવામાં આવે છે. ત્યારે આવા પ્રકારની શંકા અને તેના લીધે દીકરીનો જીવ લેવા સુધીની હદ સુધી પહોંચી જવાની પુરુષની માનસિકતાને શું કહેશો?
આજે દીકરીને એટલો પણ અધિકાર નથી કે પોતાના મિત્ર સાથે ફોન પર વાત કરે? જો વાત કરી તો એનો અર્થ એવો થયો કે એ ખરાબ થઇ ગઇ! કેમ પુરુષો આવું વિચારતાં હોય છે? આની પાછળ કઇ માનસિકતા જવાબદાર છે? એ જ ને કે પોતાની આબરૂ, પોતાના નામને આંચ ન આવવી જોઇએ.
પુરુષો આજે ભલે સ્ત્રી વિશે ઊચા અભિપ્રાય દાખવતા હોય, સ્ત્રીએ મેળવેલી સિદ્ધિને બિરદાવતાં પણ હોય, પરંતુ સમાજમાં મઘ્યમ કે નિમ્ન મઘ્યમ વર્ગના પુરુષના અંતર્મનમાં છુપાઇને પડેલો અહમ હજી આ વાસ્તવિકતાને સ્વીકારવા તૈયાર નથી. જો એમ ન હોય તો સમાજમાં આવા કિસ્સા શા માટે બને?