sajavat

સાસરિયાના સહયોગથી પાંગરેલી નિશા રાવલ

Source: Shefali Pandya 'Ami' |

લગ્ન થાય એટલે એવું જ માનવામાં આવે કે હવે બધાં શોખ પર પૂર્ણવિરામ મૂકાઇ ગયું. નિશાના કિસ્સામાં આનાથી વિપરીત બન્યું. એ કહે છે, ‘અમે સંયુક્ત પરિવારમાં રહીએ છીએ. લગ્નના એક વર્ષ પછી મેં દીકરાને જન્મ આપ્યો. મારા શોખને સાસરિયાં તરફથી ઘણો સહકાર અને પ્રોત્સાહન મળ્યાં. મારા પતિ મને દરેક એક્ઝિબિશન જોવા લઇ જાય, જે જોઇએ તે લાવી આપે. સાસુ તો ઘરકામમાં મદદરૂપ થવાની સાથે મને આઇડીયા આપે, દીકરાને પણ સાચવે છે.’

કંઇક કરી બતાવવાની હોંશ અને આવડત હોય,પણ સંજોગો અને સમાજને લીધે પ્રોત્સાહન ન મળે. છતાં સાસરે જઇને એ યુવતીને એની હોંશ અને શોખને પૂરો કરવા સાથ અને પ્રોત્સાહન પણ મળે તો? એ પોતાને સૌથી નસીબદાર માને કે નહીં?

વડોદરામાં રહેતાં નિશા રાવલને નાનપણથી જ પેઇન્ટિંગનો અને હેન્ડીક્રાફ્ટનો શોખ, પણ સામાજિક કારણોસર માતા-પિતા તરફથી જોઇએ એવું પ્રોત્સાહન મળતું નહીં. છતાં નિશા પોતાની રીતે તો ડ્રોઇંગ-પેઇન્ટિંગ કર્યા કરે.’ એ કહે છે, ‘અમારા પરિવારમાં છોકરીઓને ખાસ બહાર જવા દેવાનો રિવાજ નથી. તેથી મમ્મી-પપ્પા મારા શોખને જાણવા છતાં વધુ પ્રોત્સાહિત કરી શકતાં ન હતાં.

પણ સ્કૂલમાં યોજાતી ડ્રોઈંગ કોમ્પિટિશનમાં ભાગ લેવાં દેતાં હતાં. દસમા ધોરણ પછી મારી સગાઇ થઇ ગઇ. સાસુની તબિયત સારી ન રહેતી હોવાથી મારી ઉંમર અઢાર વર્ષની થતાં સુધીમાં તો મારા લગ્ન પણ થઇ ગયા’

લગ્ન થાય એટલે એવું જ માનવામાં આવે કે હવે બધાં શોખ પર પૂર્ણવિરામ મૂકાઇ ગયું. નિશાના કિસ્સામાં આનાથી વિપરીત બન્યું. એ કહે છે, ‘અમે સંયુક્ત પરિવારમાં રહીએ છીએ. લગ્નના એક વર્ષ પછી મેં દીકરાને જન્મ આપ્યો. મારા શોખને સાસરિયાં તરફથી ઘણો સહકાર અને પ્રોત્સાહન મળ્યાં.

મારા પતિ મને દરેક એક્ઝિબિશન જોવા લઇ જાય, જે જોઇએ તે લાવી આપે. સાસુ તો ઘરકામમાં મદદરૂપ થવાની સાથે મને આઇડીયા આપે, દીકરાને પણ સાચવે છે.’ નિશાએ અનેક ફેબ્રિક પેઇન્ટિંગ, ઓઇલ પેઇન્ટિંગ, સ્ટીલના વાસણ પર કલર કરીને કોનવર્ક કરી સ્ટોનથી ડેકોરેટ કરવા, વેલ્વેટના શ્રીનાથજી, ટેરાકોટા પર ગણપતિ, શ્રીનાથજી જેવી ડેકોરેટિવ વસ્તુઓ બનાવી છે.

સંયુક્ત પરિવારમાં રહેતા હોવા છતાં આ બધું એ કેવી રીતે કરી શકે છે, તે વિશે નિશા કહે છે, ‘મને મારા પતિ અને સાસુનો ખૂબ સહયોગ મળે છે. મારા સાસુએ તો કહી દીધું છે કે હવે હું એમની દીકરી છું.

મારો શોખ પૂરો કરવા જે કરવું હોય તેની છૂટ છે. મારા સાસુ તો મેં બનાવેલી વસ્તુઓના એક્ઝિબિશન યોજવાનું પણ વિચારી રહ્યાં છે.’ દીકરીને તો સૌ પ્રોત્સાહિત કરે, પણ પુત્રવધૂને શોખ પૂરો કરવા મદદ કરવા સાથે પ્રેરિત કરે એવા પતિ અને સાસરિયાં હોય, તો એની કળા સોળે કળાએ ખીલી ઊઠે ને?