ટિશ્યૂ પેપરમાંથી આકર્ષક બેંગલ્સ બનાવો

Source: Shefali Pandya 'Ami' |

‘સૌપ્રથમ વ્હાઇટ કે રંગીન ટિશ્યૂ પેપરને ત્રણ-ચાર દિવસ પાણીમાં પલાળી રાખો. તેમાં ફેવીકોલ ભેળવી ખૂબ મસળો અને લોટ જેવું બનાવો. પછી તેને સહેજ પહોળાઇમાં માપ પ્રમાણે ગ્લાસ કે એવી કોઇ ગોળ વસ્તુ પર લગાવી બેઝ બનાવો અને સૂકાવા દો. સૂકાઇ જાય એટલે તેના પર કલર કરી દો અને સ્ટોન, લેસ, ડાયમંડથી મનપસંદ ડેકોરેશન કરો. તમારા માપના આકર્ષક પાટલા તૈયાર છે. આવા પાટલા બનાવીને તમે કોઇને ગિફ્ટમાં પણ આપી શકો.’

પોતાના શોખને માતાપિતા તરફથી પ્રોત્સાહન પ્રાપ્ત થવાની સાથે એ જ ક્ષેત્રમાં આગળ વધવા મળે એથી વિશેષ શું જોઇએ? રાજકોટની વિધિ ડોડિયા એવી યુવતી છે, જેને પોતાના મનગમતા ક્ષેત્રમાં આગળ વધવા મળ્યું છે. બારમા ધોરણમાં હોમ સાયન્સનો અભ્યાસ કરતી વિધિને ડ્રોઇંગ અને ક્રાફ્ટનો જાણે વારસો મળ્યો છે.
એણે એક નહીં, અનેક એવી વસ્તુઓ બનાવી છે, જે જોઇને આશ્ચર્ય થાય. વિધિ કહે છે, ‘મારા મમ્મી-પપ્પા તરફથી શોખ પૂરો કરવામાં મને ખૂબ પ્રોત્સાહન અને સહયોગ મળ્યો છે. મારા પપ્પાને જ ડ્રોઇંગનો શોખ હોવાથી તેઓ નાનપણથી જ મને આ વિષયમાં આગળ વધવા પ્રોત્સાહિત કરતાં.’
વિધિએ બનાવેલા પેઇન્ટિંગમાં ફેબ્રિક પેઇન્ટિંગથી લઇને નિબ પેઇન્ટિંગ, નાઇફ, ફિંગર, દાંતિયાના દાંતાથી, સ્ટ્રોથી, બ્રેડથી વગેરે મળીને તેત્રીસ પ્રકારના પેઇન્ટિંગ બનાવ્યા છે. વેસ્ટમાંથી બેસ્ટ બનાવવા અંગે એ કહે છે, ‘મેં મકાઇની છાલમાંથી ફ્લાવર, બ્રેડના ફ્લાવર, પાઇનેપલની છાલ અને ટોપકાંમાંથી ફ્લાવર ઉપરાંત, લીલા નાળિયેરનો પોટ, અખરોટનો ફેસ, આઇસક્રીમની સ્ટિકનું કી-સ્ટેન્ડ, વરલીઆર્ટની વોલક્લોક વગેરે અનેક વસ્તુઓ બનાવી છે.’
આ ઉપરાંત, વિધિ હાથમાં પહેરવાના પાટલા ટિશ્યૂ પેપરમાંથી પણ બનાવે છે, જે ઇચ્છો તો તમે પણ બનાવી શકો. આવા પાટલા બનાવવા માટે વિધિ કહે છે, ‘સૌપ્રથમ વ્હાઇટ કે રંગીન ટિશ્યૂ પેપરને ત્રણ-ચાર દિવસ પાણીમાં પલાળી રાખો. તેમાં ફેવીકોલ ભેળવી ખૂબ મસળો અને લોટ જેવું બનાવો. પછી તેને સહેજ પહોળાઇમાં માપ પ્રમાણે ગ્લાસ કે એવી કોઇ ગોળ વસ્તુ પર લગાવી બેઝ બનાવો અને સૂકાવા દો. સૂકાઇ જાય એટલે તેના પર કલર કરી દો અને સ્ટોન, લેસ, ડાયમંડથી મનપસંદ ડેકોરેશન કરો. તમારા માપના આકર્ષક પાટલા તૈયાર છે. આવા પાટલા બનાવીને તમે કોઇને ગિફ્ટમાં પણ આપી શકો.’
ભવિષ્યમાં ડ્રોઇંગ ટીચર બનવા માંગતી વિધિ કહે છે, ‘મને મારા પપ્પા તો ડ્રોઇંગ અને પેઇન્ટિંગમાં મદદ કરે છે, તો મમ્મી તરફથી ક્યારેક કંઇ કલર-કોમ્બિનેશનનો આઇડિયા મળે છે. મારી ઇચ્છા ભવિષ્યમાં એક સારી ડ્રોઇંગ ટીચર બનવાની છે. હોમ સાયન્સ પૂરું કર્યા પછી મારે ફાઇન આર્ટ્સનો કોર્સ કરવો છે અને તે માટે હું ખૂબ મહેનત કરી રહી છું.’
વિધિની મહેનત ચોક્કસ ફળશે કેમ કે તેને શોખ છે અને શોખને પૂરો કરવા માટે જે ધગશ જોઇએ તે પણ એટલી જ છે. વિધિની મહેનત ચોક્કસ ફળશે કેમ કે તેને શોખ છે અને શોખને ધગશ જોઇએ તે પણ એટલી જ છે.